RUTEALC é unha incubadora de proxectos culturais froito da alianza estratéxica entre a Organización de Estados Iberoamericanos para a Educación, a Ciencia e a Cultura (OEI) e a empresa Trivium, coa colaboración da Xunta de Galicia e o Instituto Europeo de Itinerarios Culturais  (IEIC).

O noso obxectivo é xerar unha comunidade de xestores, profesionais, cidadáns e emprendedores interesados na creación e o fortalecemento dos itinerarios culturais no eido iberoamericano e o Caribe.

Este proxecto formativo contribuirá a impulsar oportunidades para o benestar e a calidade de vida das persoas e dos seus territorios, tomando como referencia as boas prácticas vencelladas ao Camiño de Santiago, primeiro itinerario certificado polo Consello de Europa no ano 1987.

RUTEALC foi presentado o 9 de xuño de 2022 na Cidade da Cultura de Galicia, España e contou coa presenza de Mariano Jabonero (secretario xeral da OEI), Natalia Armijos (directora da área de cultura da OEI), César Abella (director de TRIVIUM) e Román Rodríguez (conselleiro de cultura da Xunta de Galicia).